რუსეთის პრემიერ-ლიგის მე-17 ტურში “ურალმა” მოსკოვის “ლოკომოტივი” 1:0 დაამარცხა და გასავარდნი ზონიდან ამოვიდა.
“ურალში” იჯარით მოთამაშე ქართველმა ლეგიონერმა ლუკა გაგნიძემ სასტარტო შემადგენლობაში ითამაშა და ჯამში მოედანზე 87 წუთი გაატარა.
მატჩის შემდეგ “ჩემპიონატმა” ლუკა 6.5 ქულით შეაფასა და მატჩის საუკეთესო მოთამაშედ მისი გუნდელ გაჯიმურადოვი დასახელდა. “ჩემპიონატისგან” განსხვავებით WhoScored-მა ამ მატჩის საუკეთესო ფეხბურთელად 7.9 ქულით ლუკა გაგნიძე დაასახელა.
ლუკამ 5 წარმატებული დრიბლინგი განახორციელა, ერთხელ კარისკენ დაარტყა, ორჯერ მეტოქის პასი ჩაჭრა. მის მიერ გაკეთებული 32 პასიდან 91% ზუსტი იყო. ის ასევე ზუსტი შორეული პასებითაც გამოირჩეოდა.
ლუკა გაგნიძემ რუსეთის ჩემპიონატში 10 მატჩი ითამაშა.
შეგახსენებთ, რომ ახალგაზრდა ქართველი ნახევარმცველი “დინამო თბილისიდან” “დინამო მოსკოვში” გადავიდა, მოსკოველებმა კი ის იჯარით “ურალში” გაუშვეს.
