ბუდაპეშტში მიმდინარე მოფარიკავეთა მსოფლიო თასზე, სადაც ასპარეზობები როგორც პირად, ასევე გუნდურ ჩათვლაშიც იმართება, წარმატებით გამოვიდა სანდრო ბაზაძემ.
უნგრეთის დედაქალაქში ქართველმა მოფარიკავემ ბრინჯაოს მედალი მიპოვა. ბაზაძემ საწყის ეტაპზე პოლონელი მატეუს კნეჟი 15:8 დაამარცხა, შემდეგ კი რუსი მოფარიკავეების ჯერიც დადგა.
ჩვენებურმა ჯერ ანატოლი კოსტენკოს მოუგო, ხოლო მას ვენიამინ ვეტეშნიკობიც მიაყოლა და მეოთხედფინალში გავიდა, სადაც იტალიელ ენრიკო ბერესაც მარტივად აჯობა.
სამწუხაროდ, ფინალში გადასასვლელი ბრძოლა სანდრო ბაზაძემ დათმო და ბრინჯაოს მედალი დაისაკუთრა. აქვე ისიც ვთქვათ, რომ ქართველი მოფარიკავე მსოფლიო რეიტინგში მე-7 ადგილზე იმყოფება.
