საქართველოს საუკეთესო ჩოგბურთლი ვენის ღია პირველობას 1/8 ფინალში გამოეთიშა.
ნიკას მეტოქე მსოფლიოს მე-7 ჩოგანი, იტალიელი მატეო ბერეტინი იყო. იმის მიუხედავად, რომ ქართველმა ჩოგბურთელმა პირველი სეტის მოგება მოახერხა, საბოლოო გამარჯვება მაინც იტალიელს დარჩა.
პირველი სეტი ნიკამ ტაი-ბრეიკში მოიგო – 6:6 (7:6), მეორე სეტიდან კი ბერეტინიმ საოცრებები ჩაიდინა, რაც მისი „ეისების“ რაოდენობაზეც მეტყველებს. იტალიელმა ჩოგბურთელმა 22 „ეისის“ შესრულება შეძლო, რაც ბუნებრივია თამაშის მიმდინარეობაზეც საგრძნობლად აისახა. საბოლოოდ, ბერეტინიმ მეორე სეტი 6:2, მესამე კი 6:3 მოიგო და 1/4 ფინალი საგზური მოიპოვა.
ინდიან უელსის შემდეგ ვენის 500-იანი ტურნირი ნიკასთვის პირველი იყო. 29 წლის ჩოგბურთელმა ბერეტინიმდე 1/16 ფინალში მსოფლიო რეიტინგის მე-18 ნომრის, ესპანელი პაბლო კარენო ბუსტას დამარცხება შეძლო. თავად ნიკა კი ATP-ის ჩათვლაში 25-ე ადგილზე იმყოფება.
