გამთენიისას, ATP-იმ ჩოგბურთელების განახლებული რეიტინგი გამოაქვეყნა, სადაც საქართველოს საუკეთესო ჩოგბურთელი, ნიკოლოზ ბასილაშვილი სამი საფეხურით არის დაწინაურებული.
ნიკას 2 156 აქვს დაგროვებული და მე-19 ადგილს იკავებს. შეგახსენებთ, რომ 29 წლის ჩოგბურთელის საუკეთესო შედეგი მე-16 ადგილია, რომელსაც ბასილაშვილი 2019/20 წლებში იკავებდა.
ნიკამ ორი დღის წინ დოჰას ტურნირის ფინალში ითამაშა, სადაც დაძაბულ ბრძოლაში ესპანელ რობერტო ბაუტისა-აგუტთან ორ სეტში დამარცხდა, გასულ წელს კი იგივე ჩოგბურთელი ამავე ტურნირის ფინალში დაამარცხა და ჩემპიონობა იზეიმა.