ქართველმა მოფარიკავემ, სანდრო ბაზაძემ, რომელმაც ტოკიოს ოლიმპიურ თამაშებზე მე-4 ადგილი დაიკავა, სოციალურ ქსელში ვრცელი განცხადება გაავრცელა.
“უბრალოდ იცით რა არის სამწუხარო ქართველებო? საერთოდ არ გიყვართ ერთმანეთი, სპორტსმენი ვარ და ვცდილობ, რომ ჩემი ქვეყანა ვასახელო და საკმაოდ კარგად გამომდის ეს ყველაფერი. ამით ძალიან ბედნიერი ვარ. ძალიან მიყვარს ჩემი ქვეყანა და ვამაყობ, რომ ქართველი ვარ! თქვენ რას აკეთებთ? გეზიზღებათ ერთმანეთი… იბრძვით რისთვის თვითონაც კი არ იცით. დარწმუნებული ვარ ვერ გამაკრიტიკებთ ამ პოსტით, რადგან ამის უფლება არ გაქვთ. მე ნამდვილი ქართველი ვარ, რომელსაც მართლა ძალიან უყვარს თავის ყვეყანა! ერთი რჩევა მექნება თქვენთვის, რატომ გძულთ ერთმანეთი ესე ძალიან? ეტყობა არაქართველები ხართ უმეტოსობა. ანდა შურიანები ხართ ერთმენეთის მიმართ, მაგრამ ეცადეთ მაინც შეიყვაროთ თქვენი ქვეყანა, იქნებ ამის მერე მაინც გამოვიდეს რაიმე… თქვენ რა იცით ომის შესახებ? ოღონდ საბაბი მოგეცეთ რაღაცაზე სალაპაროდ და მეტი არაფრის უნარი არ გინდათ, რომ გაგაჩნდეთ. გამოიჩინეთ კეთილდღეობა, ცოტა ტვინი გაანძრიეთ, დაფიქრდით რას აკეთებთ და რისთვის იბრძვით. გაღელვებთ საერთოდ საქართველოს მომავალი? ამაზე დაფიქრდით ჩემო საყვარელო ერო, საქართველო! უფალი ფარავდეს სრულიად საქართველოს!”, – წერს ბაზაძე.
