საქართველოს ჩემპიონმა, ბათუმის ,,დინამომ” წინასასეზონო თურქული შეკრება გამარჯვებით დაასრულა.
გია გეგუჩაძის გუნდმა უკრაინული ,,ინჰულეცი” 2-1 დაამარცხეს.
პირველი გოლი გუნდის ცენტრალურმა მცველმა, ოლეკსანდრ აზაცკიმ მე-13 წუთზე გაიტანა. ამხანაგური მატჩის მეორე ტაიმში, 49-ე წუთზე პენალტი ვლადიმერ მამუჩაშვილმა გამოიყენა და ანგარიში ორამდე გაზარდა.
აჭარული კლუბის შედეგები თურქულ შეკრებაზე ასე გამოიყურება:
- ლეხი პოზნანი 1-2 დინამო ბათუმი
- დინამო ბათუმი 3-3 რაკოვი
- პარტიზანი 3-1 დინამო ბათუმი
- დინამო ბათუმი 2-2 რუბინი ყაზანი
- ლვოვის ლვივი 1-0 დინამო ბათუმი
- დინამო ბათუმი 1-1 ვოლგა ნოვგოროდი
- ინჰულეცი 1-2 დინამო ბათუმი
გუნდი ბათუმში დაბრუნდება და საქართველოს სუპერთასის ფინალისთვის მზადებას შეუდგება, სადაც მათი მეტოქე “საბურთალო” იქნება. მატჩი 20 თებერვალს, 18:00 საათზე, რამაზ შენგელიას სახელობის სტადიონზე გაიმართება.
