რუსეთის პრემიერ ლიგაში ლუკა გაგნიძემ “ურალის” შემადგენლობაში 11 მატჩში ითამაშა.
Matchtv.ru-მ რუსეთის ჩემპიონატის ახალგაზრდა ფეხბურთელები გამოარჩია, მათ შორის გაგნიძეც.
“ურალში იჯარის წესით გამოდის, მასზე უფლებებს კი დინამო ფლობს. ჯერჯერობით ეკატერნბურგში თავის სტილს სრულებით ამართლებს. რეგულარულად თამაშობს და აქვს გამოცდილების მიღების შესაძლებლობა. ამჟამად ფეხბურთელი ჩამოყალიბების სტადიაზეა.
ახალ გუნდში გაგნიძე აჩვენებს მოედნის ცენტრში თამაშის წაყვანის უნარს.
მაგრამ ამავდროულად ბევრ რამეს სჭირდება დახვეწა. აუცილებლად მოსამატებელი აქვს ორთაბრძოლებისა და ართმევის მხრივ. ასეთი მაჩვენებლებით მოსკოვის დინამოს ძირითადში მოხვედრა რთული იქნება”, – წერს რუსული გამოცემა.
ლუკა გაგნიძე მოსკოვის “დინამოს” გასულ ზაფხულს “დინამო თბილისიდან” შეუერთდა და კლუბთან 5-წლიანი კონტრაქტი გააფორმა, მაგრამ რუსულმა გრანდმა იგი იჯარით “ურალში” გაუშვა.
