რამდენიმე დღის წინ, „ვალენსიაში“ ქართველი მეკარის, გიორგი მამარდაშვილის დებიუტი შედგა. 20 წლის ფეხბურთელმა მეორე ნახევარი სრულად ითამაშა და თავი დამაჯერებელი თამაშით, ასევე ერთი საოცარი სეივით დაგვამახსოვრა.
გიორგის წარმატებული დებიუტი შეუმჩნეველი არ დარჩენია ესპანურ მედიას და ვალენსიურმა სააგენტომ, eldesmarque.com-მა ფეხბურთელს მცირე სტატია მიუძღვნა:
„მან თავი მხოლოდ კარგი სეივით არ დაგვამახსოვრა. ის კარგად კარნახობდა პარტნიორებს და საჯარიმო მოედნის ზონაში ნამდვილი ლიდერი იყო.
„ის ვალენსიაში მესამე მეკარეობისთვის ჩამოვიდა, ზოგჯერ კი საჭიროების მიხედვით ძირითად გუნდშიც უნდა ყოფილიყო, ხანაც სარეზერვოში. თუმცა, მამარდაშვილი უკვე ამტკიცებს, რომ უბრალო ალტერნატივად ყოფნას არ აპირებს და მზად არის იბრძოლოს პირველი მეკარეობისთვის“, – წერს გამოცემა.
