საქართველოს ნაკრებისა და “ვალენსიას” 21 წლის მეკარე, გიორგი მამარდაშვილი “ღამურების” ძირითადი შემადგენლობის ფეხბურთელად იქცა.
გავლენიანი ესპანური გამოცემა, marca ქართველი მეკარის დამაჯერებელ თამაშს გამოეხმაურა:
”გიორგი მამარდაშვილი ვალენსიას ძირითად შემადგენლობაში დაბრუნდა, ის უკვე ერთი თვეა “ღამურების” რიგებში წარმატებულად თამაშობს. ეს ყველაფერი კი მას შემდეგ მოხდა, რაც 190 დღე უთამაშებელი იყო. მამარდაშვილს კამფეტი ხელში ეჭირა, თუმცა როდესაც მისი გემოს გასინჯვას აპირებდა, შეცდომა დაუშვა და ძირითად შემადგენლობაში ადგილი იასპერ სილესენს დაუთმო.
ამის შემდეგ უკვე “სხვა” მამარდაშვილი დაბრუნდა, რომელმაც 4 თვის განმავლობაში უთამაშებლობის შემდეგ ბევრი რამ ისწავლა.
მას შესაძლებლობა ისეთ დროს გაუჩნდა, რომ მას არასდროს არ წარმოედგინა. სილესენის და დომენიკის ტრავმებმა გიორგის ძირითადში მოხვედრის კარები გაუხსნა.
მან ხუთი თამაში ითამაშა. შემდეგ უკვე იასპერ სილესენი ტრავმიდან დაბრუნდა და გიორგი ზეწოლაში მოექცა. შესაძლოა გამოუცდელიის გამო, მან სევილიასთან შეხვედრაში უხეში შეცდომები დაუშვა.
ბორდალასმა ის სათადარიგოთა სკამზე გადასვა. გიორგის სექტემბრის ბოლოდან თებერვლის დასაწყისამდე არ უთამაშია, თუმცა სილესენის ტრავმის და დომენიკის შეცდომების გათვალისწინებით მამარდაშვილს შანსი მიეცა.
სიმართლე კი ისაა, რომ სექტემბრისა და მარტის მამარდაშვილს შორის დიდი განსხვავებაა. Ნდობა, იცის სად არის და უპირველეს ყოვლისა, გამოცდილება, რომელსაც მხოლოდ 21 წლის ასაკში იძენს. ის ფაქტი, რომ თავდაპირველად წარუმატებელი აღმოჩნდა ჭრილობები განკურნა და უფრო ძლიერი დაბრუნდა.
იასპერ სილესენი უკვე გამოჯანმრთელებულია და რეაბილიტაციის ფინალური ეტაპს გადის. თასის ფინალიდან სულ რაღაც თვეზე მეტია დარჩენილი. ბორდალასმა ქართველი მეკარის მიმართ ნდობა დაიბრუნა და მამარდაშვილმა შესანიშნავი პერფორმანსებით უპასუხა ბოლო თვეში. მაგრამ ვალენსიას მწვრთნელისთვის არის მიზანი, რომელიც ყველაფერზე მაღლა დგას. გამოცდილებით და სხვა კრიტერიუმებით სხვა არავინაა უკეთესი, თუ არა ნიდერლანდელი. მაგრამ მამარდაშვილის კარგი თამაში დებატებს წარმოქმნის. განსაკუთრებით მაშინ, როცა თასის ფინალი ახლოვდება.” – წერია marca-ს სტატიაში.
შეგახსენებთ, რომ გიორგი მამარდაშვილმა “ღამურების” მაისურით 13 შეხვედრა ჩააატარა.
