გავლენიანმა ესპანურმა სააგენტო SofaScore-მა „ვალენსიას“ ქართველი მეკარე, გიორგი მამარდაშვილი 28-ე ტურის სიმბოლურ გუნდში შეიყვანა. გამოცემის ვერსიით, 21 წლის ფეხბურთელმა 8.1-ქულიანი შეფასება მიიღო, რაც მთელ ტურში, მეკარეებს შორის საუკეთესო მაჩვენებელი იყო.
შეგახსენებთ, რომ გასულ ტურში „ვალენსია“ ხეტაფეს ესტუმრა და ფრედ – 0:0 ითამაშა. მამარდაშვილმა შეხვედრაში 6 სეივის შესრულება მოახერხა. ერთ-ერთ ეპიზოდში ქართველი გოლკიპერი უხეშად შეცდა, რაც მის გუნდს გაშვებულ გოლად დაუჯდა, თუმცა VAR-ზე გადამოწმების შემდეგ მთავარმა მსაჯმა გოლი გააუქმა.
28 ტურის შემდეგ, „ღამურები“ ლა ლიგის სატურნირო ცხრილში 37 ქულით მე-9 ადგილს იკავებენ. ხოსე ბორდალასის გუნდი მომდევნო შეხვედრას 19 მარტს, სტუმრად „ელჩეს“ წინააღმდეგ გამართავს.
VIDEO: უგოლო ფრე ხეტაფესთან – მამარდაშვილი დიდ კრიტიკას გადაურჩა
