მანჩესტერ იუნაიტედისა და ინგლისის ნაკრების ყოფილმა კაპიტანმა უეინ რუნიმ ევროპული სუპერლიგის შექმნის შესახებ კომენტარი გააკეთა.
ტურნირის თორმეტ დამფუძნებელს შორის ექვსი ინგლისური კლუბია – არსენალი, ჩელსი, ლივერპული, მანჩესტერ სიტი, მანჩესტერ იუნაიტედი და ტოტენჰემი.
„ის ხალხი, ვინც ამ კლუბებს მართავს, სულელი ნამდვილად არ არიან. უნდა დაველოდოთ და გავიგოთ რა გეგმები აქვთ.
მანჩესტერ იუნაიტედში ძალიან დიდხანს ვთამაშობდი და შემიძლია ამ კლუბის სახელით ვილაპარაკო. უკანასკნელი, რისი გაკეთებაც მათ სურთ, გულშემატკივრებთან ურთიერთობის საფრთხის ქვეშ აღმოჩენაა. ეს ფაქტია, ზუსტად ვიცი.
ისინი კლუბის განვითარებას და წინსვლას ცდილობენ. მათ სურთ გულშემატკივრების ჩართვა. ვნახოთ ისინი რას შემოგვთავაზებენ, წინასწარი დასკვნების გაკეთება არასწორია”, – თქვა რუნიმ.
