გიორგი მამარდაშვილმა “ვალენსიას” ძირითად შემადგენლობაში 6 მატჩი ითამაშა, მაგრამ “სევილიასთან” დაშვებული შეცდომების შემდეგ ბორდალასმა “ღამურების” კარი გამოცდილ იასპერ სილესენს ანდო.
კარში, რაც ნიდერლანდელი დგას “ვალენსიას” თამაში არ მოუგია. გიორგის შემთხვევაში კი “ვალენსიამ” 3 გამარჯვება, 1 ფრე, 2 მარცხი ჩაიწერა აქტივში. ქართველმა მეკარემ კარი კი მშრალად 2-ჯერ შეინახა.
ვალენსიას ფანების ნაწილს კარში კვლავ მამარდაშვილი სურთ.
მაგალითად “ვალენსიას” ერთ-ერთი ფანი გიორგის დაბრუნებას ითხოვს:
“მომწონს მამარდაშვილი და თითქმის ყველაფერში მირჩევნია ის სილესენს. მესმის, რომ მისი შეცვლა თავიდან გიოს დასაწყნარებლად იყო საჭირო. ახლა კი სილესენის ზამთარში გაყიდვაზე ვმუშაობთ, მაგრამ ეჭვი მაქვს, რომ საამისო ფუფუნება არ გვაქვს – კარში უნდა იდგეს საუკეთესო და ეს ქართველია”, – წერს ღამურების ერთ-ერთი გულშემატკივარი.
23 ოქტომბერს “ვალენსია” “მესტალიაზე” “მალიორკას” უმასპინძლებს. იმედია ქართველ მეკარეს სასტარტოში ვიხილავთ.
