თავისუფალი სტილით მოჭიდავეების შემდეგ, კლასიკოსების დრო დგება. სოფიაში მიმდინარე მოჭიდავეთა სალიცენზიო ტურნირზე მოგახსენებთ, სადაც სამწუხაროდ გიორგი იანტბელიძის შეგირდებს ხელი მოეცარათ და შინ ტოკიო 2020-ის საგზურების გარეშე დაბრუნდნენ.
ახლა კი ჯერი ბერძნულ-რომაული სტილით მოჭიდავეებზეა. საქართველოს ნაკრებს 4 ლიცენზია უკვე მოპოვებული აქვს, ხოლო დარჩენილ ორ წონაში ბედს დავით ჩხარტიშვილი (60კგ) და ბაკურ გოგოლი (77კგ) ცდიან.
ტურნირი ბულგარეთის დედაქალაქში 8 მაისს აიღებს სტარტს. დავით ჩხარტიშვილის მეტოქე 1/8 ფინალში კანადელი ადამ ტაკაჰაში იქნება, ხოლო ბაკურ გოგოლი პირველ წრეში ჩეხ ოლდრიჩ ვარგასს დაუპირისპირდება.
იმედი ვიქონიოთ, რომ ორივე ქართველი ფალავანი სოფიაში წარმატებით იასპარეზებს და ოლიმპიურ ლიცენზიებს, მოიპოვებენ.
