საქართველოს ნაკრების ფეხბურთელ გია გრიგალავას არსენალ “ტულასთან” კონტრაქტი ამოეწურა და ახალი კლუბის ძიებაშია. 31 წლის ფეხბურთელმა რუსულ გამოცემა “Sport24”-თან საინტერესო ინტერვიუ ჩაწერა:
“არ ვიცი, რატომ მოხდა ასე. როგორც ჩანს, გუნდს არ შევეფერები. ამის შესახებ ხელმძღვანელებს უნდა ჰკითხოთ. დარწმუნებული ვიყავი, რომ ხელშეკრულებას გამიხანგრძლივებდნენ და კლუბში დავრჩებოდი. ამის შესახებ წინასწარი საუბარი და მინიშნებები იყო. სეზონის მიმდინარეობისას ხელმძღვანელობასთანაც ვისაუბრე და მაშინ მითხრეს, რომ სეზონის დასრულების შემდეგ კონტრაქტი გაგრძელდებოდა. სეზონი მორჩა, წავედით შვებულებაში და აქამდე არავინ დამკავშირებია. ვისზე უნდა ვიყო განაწყენებული? სიმართლე გითხრათ, ფეხბურთში ისეთები ხდება, არაფერი მაკვირვებს. მშვიდად ვარ, დანარჩენი კი მათ სინდისზე იყოს.
მოსკოვში ვარ, ტორპედოსთან ერთად ვვარჯიშობ და ვინარჩუნებ ფორმას. კლუბის ხელმძღვანელობამ გუნდთან ერთად ვარჯიშის ნება დამრთო, ოღონდ მასთან რაიმე სახის შეთანხმება არ მაქვს. არ ვიცი, რა იქნება მომავალში. უკვე იმდენ კლუბთან მქონდა საუბარი, რომ აღარც კი მახსოვს მათი სახელები. რამდენიმესთან მოლაპარაკება ახლაც მიმდინარეობს, მაგრამ ჯერ ვერ დავასახელებ.
მომისმინე, ვერ ვიტყოდი, რომ დღეს საქართველოს ნაკრები სუსტია. ბოლო დროს საქართველოს ნაკრებმა ძალიან მოუმატა თამაშს და კიდევ უფრო უკეთესი ხდება. ეს ეხება არამხოლოდ მთავარ გუნდს, ბავშვთა ფეხბურთის განვითარებასაც.
ხვიჩასთან კარგი ურთიერთობა მაქვს, მაგრამ ჩემთვის რჩევა არ უკითხავს და თუკი მკითხავს, ჩემს აზრს გავუზიარებ. უკეთესი იქნება, თუ ახლავე წავა. რაც უფრო სწრაფად გააკეთებს ამას, მით უკეთესი. ის სრულებით მზადაა ევროპისთვის.
“სიმართლე გითხრათ, აქამდე ვერ დამიჯერებია ის, რაც საბას თავს ხდება. ვერ ვხვდები, მისი კარიერა ასე რატომ აეწყო. არადა, ყველაფერი კარგად იყო. მჯერა, რომ ის ახალ კლუბს მოძებნის… რა თქმა უნდა, მოძებნის! მასზე ასჯერ უარესი ფეხბურთელები პოულობენ და საბა ვერ იპოვის?”- განაცხადა გია გრიგალავამ Sport24-თან საუბარში
