ინდიან უელსის მასტერსზე ნიკოლოზ ბასილაშვილმა კარიერაში 1/4 ფინალში პირველად ითამაშა. მისი მეტოქე მსოფლიოს მე-3 ჩოგანი, ბერძენი სტეფანოს ციციპასი იყო. ქართველმა ჩოგბურთელმა სენსაციურად, სამ სეტში გაიმარჯვა – 6:4, 3:6, 6:4.
ინდიან უელსის მასტერსის 1/2-ფინალში გასვლით, ქართველმა ჩოგბურთელმა, პირადი რეკორდი გააუმჯობესა.
ამ გამარჯვებით ნიკამ 360 სარეიტინგო ქულისა და 335,000 დოლარის გამომუშავება შეძლო, რითაც განახლებულ რეიტინგში წინსვლა გარანტირებული აქვს.
1/2-ფინალში გამარჯვების შედეგად ნიკა 600 სარეიტინგო ქულასა და 640,000 დოლარს გამოიმუშავებს.
