ლა ლიგამ გიორგი მამარდაშვილის სეივი პირველ ტურში “ხეტაფეს” წინააღმდეგ აგვისტოს თვის საუკეთესოდ დაასახელა.
გიორგიმ მსაჯის მიერ კომპენსირებულ დროში მაკსიმოვიჩის დარტყმა მოიგერია და “ღამურებს” თამაში მოაგებინა. აღსანიშნავია, რომ ეს “სეივი” პირველ ტურშიც საუკეთესოდ აღიარეს.
მამარდაშვილმა “ვალენსიას” მაისურით ლა ლიგის სამივე ტურში შეუცვლელად ითამაშა, ერთი გოლი გაუშვა, ორჯერ კარი მშრალად შეინახა და 7 “სეივი” მიითვალა. ქართველი მეკარე პირველ ტურში ლა ლიგის სიმბოლურ ნაკრებშიც მოხვდა. “ვალენსია” 12 სექტემბერს, “ოსასუნას” ესტუმრება.
