UFC-ის ქართველმა მებრძოლმა, რომან დოლიძე, „პრაიმ სპორტთან“ ინტერვიუს დროს გულშემატკივრების როლზე ისაუბრა.
„საერთოდ ბრძოლები მთავარი არაა, რასაც საკმაოდ ხშირად ვლაპარაკობ. მთავარია მცირედით მაინც ვასახელო ჩემი ქვეყანა და ხალხი. ქართველებს ბრძოლები ძალიან უყვართ და ხშირად თბილად მეხმაურებიან. ეს ჩემთვის დიდი სტიმულია, რადგან მსურს უფრო წარმატებული ნაბიჯები გადავდგა ჩემს კარიერაში. მინდა, ქომაგებს მადლობა გადავუხადო მხარდაჭერისთვის. ეს მე დიდ ძალას მაძლევს, რომ უფრო მეტი გამარჯვებები მოვიპოვო“, – განაცხადა რომან დოლიძემ.
