UFC-ის ქართველი მებრძოლი, რომან დოლიძე სოციალურ ქსელში შვილის ფოტოს და მიმართვას ავრცელებს.
“ეს ჩემი შვილია, პატარა ამირანი. დაიბადა უკრაინაში, ოდესაში. როდესაც ამ ფოტოს უყურებთ, გახსოვდეთ, რომ მილიონობით ბავშვი იბრძვის ახლა უკრაინაში, ოჯახები იძულებულნი არიან დატოვონ სახლები, ბევრი იმალება ბომბებისგან, საკვებისა და მედიკამენტების ხელმისაწვდომობის გარეშე. შეაჩერე ომი! მშვიდობა ყველას”, – წერს ქართველი მებრძოლი.
შეგახსენებთ, რომ რუსეთმა, ვლადიმერ პუტინის ბრძანებით უკრაინას ომი 24 თებერვალს გამოუცხადა. ორ კვირაზე მეტია უკრაინის ქალაქები რუსი აგრესორების მიერ აქტიურად იბომბება, რასაც ათეულობით მშვიდობიანი მოქალაქის სიცოცხლე ემსხვერპლა.
