UFC-ის ქართველმა მებრძოლმა, ილია თოფურიამ Twitter-ში პედი პიმბლეტთან დაპირისპირების კადრები გაავრცელა.
თოფურიამ ვიდეო შემდეგი სიტყვებით ატვირთა:
“გაგაფრთხილე! ასე ხდება, როცა მე და ჩემს ქვეყანას პატივს არ გვცემენ. დამინახე და მოსალმება გინდოდა, რადგან შარვალში ჩაისვარე… და ჩემს გუნდს მადლობა უნდა უთხრა, რომ გაგვაშველეს, სხვა შემთხვევაში თავს მოგაძრობდი. ეს ”ტვიტერი” არაა, ეს რეალური ცხოვრებაა”.
აღნიშნულ ამბავს UFC-ის კიდევ ერთი ქართველი მებრძოლი, მერაბ დვალიშვილი გამოეხმაურა.
“ეს ბიჭი პედი უპატივცემულოდ ექცეოდა ჩვენს ქვეყანას, როცა თქვა, რუსეთი სწორად მოიქცა საქართველო, რომ დაბომბა.
რუსეთმა საქართველოს მიმართ იგივე გააკეთა, რასაც უკრაინას უკეთებს. მათ ათასობით ქართველი დახოცეს და ჩვენი ქვეყნის 20% დაიკავეს. დაახლოებით ორი წლის წინ ამ პედიმ გურამ ქუთელაძის აქტიგანის ბრძოლაში გამოწვევაზე საქართველოს შეურაცხმყოფელი კომენტარით უპასუხა. ილია თოფურია ჯიგარი ხარ”, – წერს დვალიშვილი სოციალურ ქსელში.
