“კოპენჰაგენის” და საქართველოს ეროვნული ნაკრების მცველმა, დავით ხოჭოლავამ დანიური კლუბის პრესსამსახურთან უკრაინაში განვითარებულ მოვლენებზე ისაუბრა.
“ჩემს მეუღლეს, მამაჩემს, ყველას და მთლიანად ნათესავებს ჩემი დახმარება სჭირდება. ეს მეხმარება, რომ ვიყო ცოტა ცივსისხლიანი, რომ შევძლო, რაც შეიძლება მეტი პრობლემა მოვაგვარო მათთვის. მაგრამ ახლა, ყოველდღიურად სიტუაცია უარესდება.
ჩემი მეუღლის ქალაქი თითქმის მთლიანად დანგრეულია. უამრავი უდანაშაულო ადამიანი იღუპება. ვცდილობ, გადავარჩინო ჩემი ოჯახი, ეს არის ჩემი მთავარი მიზანი. ის, რაც ნათესავებმა და მეგობრებმა ბოლო კვირის განმავლობაში გადაიტანეს, საშინელებაა. ისინი თავს სარდაფებს აფარებენ, შიშობენ, რომ ხვალინდელი დღე არ გაუთენდებათ, შიშში ცხოვრობენ. ბომბები ეცემა ყველგან.
უნდა გავუძლოთ, რადგან უკრაინა გაიმარჯვებს. რუსეთი უკვე დამარცხებულია. უკრაინა ადამიანებს კარგავს, მაგრამ უკრაინელები გმირები არიან და ეს ქვეყანა თავიდან აშენდება და ამაში მას მთელი მსოფლიო დაეხმარება. ომის შემდეგ უკრაინა უფრო ძლიერი იქნება, ვიდრე ომამდე. რუსეთმა ყველასთან წააგო, ის არავის უნდა”, – განაცხადა ხოჭოლავამ.
შეგახსენებთ, რომ რუსების დაბომბვის შედეგად რამდენიმე დღის წინ დავით ხოჭოლავას სიმამრი (მეუღლის მამა) გარდაიცვალა.