“მანჩესტერ სიტის” მთავარმა მწვრთნელმა, პეპ გვარდიოლამ განცხადება გაავრცელა და უკრაინას მხარდაჭერა გამოუცხადა.
“ეს რაც მოხდა, პოლიტიკის, ეკონომიკის და ყველაფრის ფიასკოა. როცა ასეთი რაღაც ხდება, დაგროვილი ზიზღი თაობებს გადაეცემა და ამ ზიზღის გაქრობას, შესაძლოა, საუკუნე დასჭირდეს. უკრაინელი ხალხი არასოდეს დაივიწყებს იმას, რაც გაუკეთეს. შენთვის ხარ, მიდიხარ, სადილობ, ვახშმობ და ერთი კაცის გადაწყვეტილების გამო მთელი ქვეყანა გენგრევა.
წარმოიდგინე ეს, რომ ჩვენს ქვეყნებში ხდებოდეს… ყველაფერს კარგავ და იძულებული ხარ, სხვა ქვეყანას შეფარო თავი. სად არის ნატო? სად არის აშშ? სად არის ევროკავშირი? ამ ყველაფრის თავიდან აცილება მათ უკვე დააგვიანეს. ეს კაცობრიობის აბსოლუტური ფიასკოა. პოლიტიკოსების ერთადერთი დანიშნულება ის არის, რომ ცოტათი უკეთ ვიცხოვროთ. პოლიტიკოსებს მხოლოდ ის ევალებათ, რომ ასეთი რამ არ ხდებოდეს, დაეხმარეთ უკრაინას!”, – ამბობს გვარდიოლა.
