ნიკა საამაყო ხარ – როგორ გამოეხმაურნენ ქართველი სპორტსმენები ბასილაშვილის ისტორიულ გამარჯვებას

2021 წლის 11 მარტი ალბათ სამუდამოდ ჩაიწერება ქართული სპორტის და კონკრეტულად ჩოგბურთის ისტორიაში.

არა მხოლოდ თანამედროვე, ზოგადად ჩოგბურთის ისტორიაში გამორჩეული, თვალსაჩინო და ყველა დროის ერთ-ერთი საუკეთესო მოთამაშე როჯერ ფედერერი დამარცხებულია. მეიჯორების 20-გზის ჩემპიონს, დოჰას ტურნირზე ნიკოლოზ ბასილაშილმა მოუგო.

რა თქმა უნდა, დიადი როჯერის და ჩვენებური მეჩოგნის დაპირისპირებას ქართული სპორტული სამყაროს წარმომადგენლებიც გაფაციცებით ადევნებდნენ თვალს.

აი, როგორ გამოეხმაურნენ ისინი ნიკოლოზ ბასილაშვილის ამ უდიდეს წარმატებას.

შოთა არველაძე – ფედერერი დამარცხებულია! ნიკოლოზ ბასილაშვილი – საამაყო ხარ.

მარიამ ბოლქვაძე – ვულოცავ ნიკას ამ ძალიან მაგარ გამარჯვებას. ჩემთვის როგორც ჩოგბურთელისთვის ეს უდიდესი ინსპირაცია იყო. წარმატებას ვუსურვებ მთელი ტურნირის განმავლობაში.

ეკატერინე გორგოძე – არასდროს შემპარვია ეჭვი ნიკას გამარჯვებაში.

ზაზა ფაჩულია – საოცარი გამარჯვება

ვაკო ყაზაიშვილი – საამაყო ამბავი

ლაშა ბექაური – ბასილაშვილი vs ფედერერი. ნიკას ისტორიული გამარჯვება. ბრავო მაგარ კაცს.

ბუდუ ზივზივაძე – საამაყო კაცი

მიხეილ ბაღათურია – სასწაული გამარჯვება

ხვიჩა კვარაცხელია – ნამდვილი საოცრება

თორნიკე შენგელია – დიდი პატივისცემა და აპლოდისმენტები ნიკას

არჩილ არველაძე – Go NIka