მანჩესტერ იუნაიტედმა ედინსონ კავანისთან კონტრაქტი გაახანგრძლივა. კლუბის პრესსამსახურის ცნობით, 34 წლის ფორვარდთან ახალი ხელშეკრულება 2022 წლის ივნისამდეა გათვლილი.
🇺🇾 𝐄𝐋 𝐌𝐀𝐓𝐀𝐃𝐎𝐑 🐂
One more year of @ECavaniOfficial! 🏹#MUFC #Cavani2022
— Manchester United (@ManUtd) May 10, 2021
მანჩესტერული გუნდის მთავარმა მწვრთნელმა ოლე გუნარ სულშერმა კავანის კონტრაქტის განახლების შესახებ კომენტარი გააკეთა: „იმ დღეს, როდესაც ედინსონი შემოგვიერთდა, მე ვთქვი, რომ ის ენერგიას, ძალასა და ლიდერობას შეგვიმატებდა. არ ვცდებოდი. მან ეს ყველაფერი გააკეთა და სხვაც.
სამწვრთნელო შტაბმა კავანის გოლეადორული უნარების შესახებ იცოდა. მისმა პერსონამ ამ შემადგენლობას ბევრი რამ მისცა. მას აქვს გამარჯვებული მენტალიტეტი და ყველაფერს სერიოზულად უდგება.
ედინსონი სავარჯიშო მოედანს ერთ-ერთი უკანასკნელი ტოვებს, რითაც მაგალითს აძლევს ახალგაზრდებს, როგორ უნდა გაუმკლავდნენ თავიანთ მოვალეობებს ყოველდღიურად. ყოველთვის მინდოდა, რომ ის მანჩესტერ იუნაიტედში დარჩენილიყო და იმედი მაქვს, რომ ის ამ შესაძლებლობას მიიღებს.”
Glorious 😍
✍️ #Cavani2022#MUFC @ECavaniOfficial pic.twitter.com/6YRhGaVGFS
— Manchester United (@ManUtd) May 10, 2021
ამ სეზონში ურუგვაელმა პრემიერ ლიგის 23 თამაში ჩაატარა, 9 გოლი გაიტანა და ორი საგოლე გადაცემა გააკეთა.
