ევროპის სუპერლიგის შექმნამ საფეხბურთო სამყაროს ნაწილი გააღიზიანა, ზოგი გააოცა, ვიღაცეები კი გაახარა.
ამ ორგანიზაციის და გათამაშების 12 დამფუძნებელ გუნდს შორის არის „მანჩესტერ იუნაიტედიც“. როდესაც „ოლდ ტრაფორდის“ ბინადრებზე ვსაუბრობთ, გვერდს ვერ ავუვლით ალექს ფერგიოსონს. წითელი ეშმაკების ლეგენდარული შოტლანდიერი მწვრთნელი ამ ამბით დიდად ბედნიერი არ ჩანს.
„ჩემპიონთა ლიგა საუკეთესო საკლუბო ტურნირია არა მხოლოდ ევროპის, არამედ მსოფლიოს მასშტაბით. გუნდები იქ მოხვედრაზე ოცნებობენ. აი, მაგალითად „ევერტონი“ უზარმაზარ თანხას ხარჯავს ახალი სტადიონის მშენებლობაზე. თქვენი აზრით რატომ? მათ ჩემპიონთა ლიგაზე თამაშის ამბიცია აქვთ და ამისთვის ემზადებიან.
ვფიქრობ, ეს პროექტი ევროპული ფეხბურთის მდიდარ ისტორიას დაუსვამს წერტილს. ჩემი მწვრთნელობის პერიოდში მანჩესტერ იუნაიტედი ოთხჯერ გავიყავნე ჩემპიონთა ლიგის ფინალში და ყველა საღამო ჩემთვის განსაკუთრებული იყო.
ჩემპიონთა ლიგა ის ტურნირია, რომელიც ხალხს უყვარს.ვერ გეტყვით რა დოზით არის ჩართული მანჩესტერ იუნაიტედი სუპერლიგის პროექტში, რადგან ახლა გუნდის სამზარეულოში ბოლომდე ჩახედული აღარ ვარ“ – ამბობს ალექს ფერგიუსონი.
