საქართველოს ეროვნული საფეხბურთო ნაკრები სექტემბის მატჩებისთვის მზადებას 30 აგვისტოს იწყებს. ვილი სანიოლის მიერ დასახელებულ შემადგენლობაში კიდევ ერთი იძულებითი ცვლილებაა. ბათუმის დინამოს ფეხბურთელი გიორგი ფანცულაია, რომელიც ეროვნული ნაკრების საწვრთნელ შეკრებაზე პირველად იყო გამოძახებული, ტრავმის გამო გუნდს ვერ დაეხმარება. გიორგი ფანცულაიას მისი თანაკლუბელი გიორგი ზარია შეცვლის. 24 წლის გიორგი ზარია, საქართველოს ნაკრების კიდევ ერთი დებიუტანტია.
საქართველოს ნაკრები კოსოვოსთან, ესპანეთთან და ბულგარეთთან მატჩებისთვის შავი ზღვისპირეთში 26 ფეხბურთელით მოემზადება.
