ლონდონის „ჩელსიმ“ კიდევ ერთი მწარე ალიყური იწვნია. ამჯერად, პრემიერლიგის მე-19 ტურში, არისტოკრატები სტუმრად „ლესტერთან“ 0:2 დამარცხდნენ და სატურნირო ცხრილში მერვე ადგილზე არიან.
„ჩელსის“ მთავარი მწვრთნელი ფრენკ ლამპარდი ცდილობს ოპტიმიზმი შეინარჩუნოს და მომავალს იმედის თვალით უყურებს.
„ამ თანამდებობაზე რომ მოვდიოდი, ვიცოდი ადვილი არ იქნებოდა. ჩელსის მწვრთნელობა დიდი პასუხისმგებობაა. ჩვენ ტრანსფერებზე ბანი გვქონდა და ხშირად ახალგაზრდა, გამოუცდელი ფეხბურთელებით გვიწევდა ფონს გასვლა.
ნოემბრის თვეში ყველაფერი კარგად, გეგმის მიხედვით მიდიოდა. ახლა კი გაგვიჭირდა, თუმცა უნდა ვიბრძოლოთ. ჩვენ ერთადერთ გუნდი არ ვართ, რომელსაც პრობლემები შეექმნა და არც მე ვარ წნეხის ქვეშ მყოფი გამონაკლისი მწვრთნელი. რა თქმა უნდა, არ მომწონს წაგება და მსურს ყველა იმაზე ლაპარაკობდეს თუ როგორ მივიწევთ სატურნირო ცხრილში წინ, როგორც ეს ერთი თვის წინ იყო.
ახლა მხოლოდ ის დამრჩენია, რომ ეს რთული პერიოდი გუნდს გადავალახინო“ – აღნიშნა ფრენკ ლამპარდმა.
