დასრულდა ევრო 2020, რომლის გამარჯვებულიც იტალიის ნაკრები გახდა – “საკუადრა აძურამ” “უემბლიზე” ინგლისი პენალტების სერიაში დაამარცხა.
ახლა კი, ოფიციალურად გახდა ცნობილი აღნიშნული ტურნირის სიმბოლური გუნდი, რომელშიც ჩემპიონი ნაკრებიდან 3 ფეხბურთელი მოხვდა – ესენია: ჯანლუიჯი დონარუმა, ჯორჯო კიელინი და ფედერიკო კიეზა.
ასევე 3 წარმომადგენელი ჰყავს ფინალისტ ინგლისს – ჰარი მაგუაირი, ლუკ შოუ და რაჰიმ სტერლინგი.
სრული თერთმეტეული ესეთია:
მეკარე: ჯანლუიჯი დონარუმა (იტალია);
მცველები: იოაკიმ მელე (დანია), ჯორჯო კიელინი (იტალია), ჰარი მაგუაირი (ინგლისი), ლუკ შოუ (ინგლისი);
ნახევარმცველები: პოლ პოგბა (საფრანგეთი), გრანიტ ჯაკა (შვეიცარია);
შემტევი ნახევარმცველები: რაჰიმ სტერლინგი (ინგლისი), ფედერიკო კიეზა (იტალია), კასპერ დოლბერგი (დანია);
თავდამსხმელი: კრიშტიანუ რონალდუ (პორტუგალია).
