ქართველი ფეხბურთელი დავით მუჯირი კარიერას ზლატე “მორავცეში” გააგრძელებს. ინფორმაცია სლოვაკური გუნდის ვებგვერდმა დაადასტურა. 22 წლის თავდამსხმელთან 1-წლიანი კონტრაქტი გაფორმდა.
როგორც ოფიციალურ განცხადებაშია აღნიშნული, მუჯირი ზლატე მორავცეში 1 კვირა სინჯებზე იმყოფებოდა და კლუბის სამწვრთნელო შტაბს თავი მოაწონა, რის შედეგადაც ერთწლიანი კონტრაქტი გაუფორმეს.
დავით მუჯირი ვეტერანი ქართველი ფეხბურთელის დავით მუჯირის შვილია. 22 წლის შემტევი ბოლოს ქობულეთის “შუქურაში” თამაშობდა, მანამდე კი საჩხერის “ჩიხურას”, “ვიტ ჯორჯიასა” და “დინამო” თბილისის რიგებში ირიცხებოდა. ასევე თამაშობდა ტირასპოლის “შერიფისა” და თურქული “ანტალიასპორის” ახალგაზრდულ გუნდებში.
