ქუთაისის “ტორპედოში” ახალი ინვესტორის მისვლამ კლუბზე კარგად იმოქმედა და გორის “დილას” ურთულესი გასვლაზე ურთულესი შეხვედრა ანგარიშით 2:1 მოიგო.
იმერული კლუბის ახალმა მეპატრონემ, დავით კერესელიძემ “ტორპედოსთან” ერთად პირველი გამარჯვების შემდეგ კომენტარი საქართველოს პირველ არხთან გააკეთა:
“ქუთაისის „ტორპედოს“ ყველა გულშემატკივარს წარმატება მინდა მივულოცო. თანამშრომლობა კარგად დაიწყო. დარწმუნებული ვარ, უფრო დიდი წარმატებები წინაა. რა თქმა უნდა, როდესაც გუნდი იგებს, ეს ყოველთვის სასიხარულოა. კიდევ უფრო სასიხარულო განცდაა, როდესაც ამ გუნდის ნაწილი ხარ.
ვულოცავ ყველა ფეხბურთელს, მწვრთნელს, გულშემატკივარს. ამაში ბევრ ადამიანს ვგულისხმობ, ვინც ამ დღის დადგომას სხვადასხვა კუთხით ხელი შეუწყო. დაწყებული იმით, რომ გუნდი ჩვენ გადმოგვცემოდა და დამთავრებული იმით, რომ ფეხბურთელებმა ამ დღის ასე ლამაზად აღნიშვნა გადაწყვიტეს“, – ამბობს კერესელიძე.
შეგახსენებთ, რომ “ნიუ ვიჟენ უნივერსიტეტის” რექტორი დავით კერესელიძე კლუბის 100%-იანი წილის მფლობელი ქუთაისის “ტორპედოს” გასასხვისებლად გამოცხადებული აუქციონის გამარჯვების შედეგად გახდა.
