ზუსტად ამ დღეს, 1996 წლის 16 მარტს “მეინ როუდის” ქართველმა ჯადოქარმა, გიორგი ქინქლაძემ “საუთჰემპტონთან” გამართულ შეხვედრაში ბრწყინვალე დრიბლინგით ულამაზესი გოლი გაიტანა, რომელიც “მანჩესტერ სიტის” ფანებს დღემდე კარგად ახსოვს.
შეგახსენებთ, რომ 1995 წლის ივლისში, გიორგი ქინქლაძე “მანჩესტერ სიტიმ” “დინამო თბილისისგან” იყიდა.
მან “მეინ როუდზე” სამი სეზონი გაატარა და შემდეგ ინგლისურმა კლუბმა “აიაქსში” გაყიდა.
გიორგი ქინქლაძე მანჩესტერში დღემდე ყველაზე დაფასებული ფეხბურთელია მიუხედავად იმისა, რომ მას შემდეგ “სიტის” არაერთი ვარსკვლავი ჰყოლია.