საქართველოს ნაკრების ყოფილმა მწვრთნელმა და ამჟამად ბრატისლავის “სლოვანის” თავკაცმა ვლადიმერ ვაისმა კლუბში გურამ კაშია და ჯაბა კანკავა გამოარჩია. სლოვაკმა სპეციალისტმა მათ მიმართ დადებითი სიტყვები არ დაიშურა.
“გურამი ავადაა, მაგრამ მჯერა კოპენჰაგენთან მატჩისთვის გამოჯანმრთელდება. როდესაც ის არ თამაშობს, დაცვაში რაღაც გვაკლია, ამის დანახვა უსინათლოსაც შეუძლია. საზღვარგარეთ პატივისცემა გურამის და ჯაბა კანკავას მსგავსი მიდგომით მოიპოვება. ჯაბა ვარჯიშზე ან თამაშზე საერთოდ არ ლაპარაკობს, მაგრამ ყველაფერს თამაშით ამტკიცებს. ის 35 წლისაა, ერთი კვირის წინ დედა გარდაეცვალა, მაგრამ სამაგალითო მიდგომა გამოავლინა მატჩისა და თავისი მოვალეობის მიმართ. დამოკიდებულებით და პროფესიონალიზმით ის საუკეთესო ფეხბურთელია, ვისთანაც ოდესმე მიმუშავია”, – თქვა ვაისმა.
ცნობისთვის, ბრატისლავის “სლოვანი” სლოვაკეთის ჩემპიონატში 17 ტურის შემდეგ 44 ქულით ერთპიროვნული ლიდერია. ქართველების კლუბი კონფერენს ლიგაზე 8 ქულით მეორე მესამე ადგილებს იყოფს.
