სლოვაკეთის ჩემპიონატის 22-ე ტურში “სლოვან ბრატისლავას” და ტრნავის “სპარტაკის” მატჩი უგოლო ფრით დასრულდა.
მატჩის შემდეგ საქართველოს ნაკრების კაპიტნებმა, ჯაბა კანკავამ და გურამ კაშიამ მაისურებზე ასახული წარწერით უკრაინას სოლიდარობა გამოუცხადეს.
“ქართველები შენთან არიან, უკრაინა. გამაგრდი!” – აწერიათ კაპიტნებს მაისურზე.
შეგახსენებთ, რომ უკრაინაში საომარი მოქმედებები მესამე დღეა მიმდინარეობს. ვლადიმერ პუტინმა უკრაინას ომი გუშინწინ გამთენიისას გამოუცხადა და ბოლო მონაცემებით, საბრძოლო შეტაკებები ახლა კიევში მიმდინარეობს.
