საქართველოს ნაკრებისა და “აპოელის” 28 წლის თავდამსხმელმა, გიორგი ქვილითაიამ “აჩნასის” წინააღმდეგ გოლი გაიტანა და საგოლე გადაცემა შეასრულა. კვიპროსის ჩემპიონატის მე-17 ტურის შეხვედრაში “აჩნასმა” შინ “აპოელი” მიიღო და დიდი ანგარიშით 0:3 დამარცხდა.
28 წლის ქართველმა ფეხბურთელმა შეხვედრის მე-20 წუთზე ანგარიში გახსნა, მატჩის 34-ე წუთზე თავის თანაგუნდელს გაატანინა და გუნდის გამარჯვებაში უდიდესი წვლილი შეიტანა.
აღნიშნულ შეხვედრაში მონაწილეობა საქართველოს ნაკრების კიდევ ორმა ფეხბურთელმა, ბუბა დაუშვილმა და თორნიკე ოქრიაშვილმა მიიღეს. დაუშვილმა პირველი ტაიმის დასრულების შემდეგ მოედანი დატოვა, ოქრი თამაშში მატჩის 63-ე წუთზე ჩაერთო.
“აპოელი” კვიპროსის ჩემპიონატში 15 ჩატარებული შეხვედრის შემდეგ, 23 ქულით მე-6 ადგილს იკავებს.
ცნობისთვის, გიორგი ქვილითაიამ კვიპროსის ჩემპიონატში ჩატარებულ 12 შეხვედრაში 5 გოლი გაიტანა.
