საქართველოს ნაკრებისა და “აპოელის” 28 წლის თავდამსხმელმა, გიორგი ქვილითაიამ კვიპროსის თასის 1/4 ფინალში, “ანორთოსის” წინააღმდეგ გოლი გაიტანა. “აპოელმა” შინ “ანორთოსისი” მიიღო და მინიმალური სხვაობით 2:1 დაამარცხა.
გიორგიმ მატჩის 52-ე წუთზე გოლი გაიტანა და თავისი გუნდის გამარჯვებაში ლომის წვლილი შეიტანა.
ქვილითაიასთან ერთად, “აპოელის” შემადგენლობაში თორნიკე ოქრიაშვილმა ითამაშა. 30 წლის ფეხბურთელმა მოედანზე 76 წუთი გაატარა.
კვიპროსის თასის 1/4 ფინალის განმეორებითი შეხვედრა 6 მარტს გაიმართება.
შეგახსენებთ, რომ გიორგი ქვილითაიამ მიმდინარე სეზონში 22 ჩატარებულ შეხვედრაში 13 გოლი გაიტანა და 3 საგოლე გადაცემა შეასრულა.
