ფუტზალში, საქართველოს ეროვნულმა ნაკრებმა პარიზში მაღალ დონეზე ითამაშა და მასპინძელ საფრანგეთს არაფერი დაუთმო. ავთანდილ ასათიანის შეგირდებისთვის ეს წლეულს ბოლო ოფიციალური მატჩი გახლდათ და სასიამოვნოა, რომ სეზონი ღირსეულად დაასრულეს.
ევროპის 2022 წლის ჩემპიონატის საკვალიფიკაციო ეტაპის პირველ დაპირისპირებაში ჩვენმა გუნდმა ფრანგებთან 4:4 ითამაშა. აღსანიშნავია, რომ საფრანგეთის წინააღმდეგ შეხვედრაში, საქართველოს ნაკრების მაისურით სამმა ნატურალიზებულმა მოთამაშემ სადებიუტო მატჩი გამართეს. ესენი არიან ბრაზილიელები ბინიო, შაგინია და ელისანდრო, რომელთაგან პირველი ორი ესპანეთის ჩემპიონატში, ხოლო მესამე იტალიაში თამაშობს.
საინტერესო და დაძაბული პირველი ტაიმი გამოდგა, რომელშიც 7 გოლი გავიდა და ფრანგებმა 4:3 მოიგეს. აღსანიშნავია, რომ საქართველოს ნაკრებმა მეორე ტაიმში ანგარიშიც გათანაბრება შეძლო და შესარჩევი ეტაპიც წაუგებლად დასიწყო.
მომდევნო მატჩს, საქართველოს ფუტზალის ნაკრები 2 თებერვალს რუსეთის წინააღმდეგ თბილისში გამართავს.
