იტალიის ჩემპიონატის მორიგ ტურში, „მილანმა“ მწარე ალიყური იწვნია. „როსონერი“, რომელიც სატურნირო ცხრილში პირველ ადგილზეა, საკუთარ მოედანზე „ატალანტასთან“ უშანსოდ – 0:3 დამარცხდა. სენსაციური შედეგი იყოო ვერავინ იტყვის, მაგრამ „მილანის“ დიდი ანგარიშით მარცხი ალბათ მაინც მოულოდნელად უნდა მივიჩნიოთ.
რა თქმა უნდა, იმედგაცრუებული იყო „მილანის“ მთავარი მწვრთნელი სტეფანო პიოლი. მან აღიარა, რომ უშანსოდ წააგეს, თუმცა ეს სასირცხვილო არ არის.
„ეს ჩვენი დღე არ იყო. მეტოქე ძალიან კარგად გამოიყურებოდა და მთელი მატჩის განმავლობაში გასაქანი არ მოგვცეს. მათ საქმე ძალზედ გაგვირთულეს. ორბურთიანი ჩამორჩენის შემდეგ, დაბრუნება ვეღარ შევძელით.
უფრო მეტი შეგვიძლია, ვიდრე დღეს გამოჩნდა, მაგრამ „ატალანტამ“ აშკარად გვაჯობა. მათ დამსახურებული გამარჯვება მოიპოვეს. ვფიქრობ, „ატალანტასთან“ წაგება, ისევე როგორც „იუვენტუსთან“ სასირცხვილო არ უნდა იყოს.
წაგება კარგი არასდროს არია, მაგრამ ამისგან ტრაგედია არ უნდა შევქმნათ. შეცდომებს გავაანალიზებთ და მის გამოსწორებას ვეცდებით. ახლა აქცენტი მომდევნო მატჩზე უნდა გავაკეთოთ“ – ამბობს სტეფანო პიოლი.
„მილანი“ 43 ქულით სერია ა-ს ლიდერია. მომდევნო მატჩს „როსონერი“ 30 იანვარს, გასვლაზე „ბოლონიასთან“ გამართავს.
