იტალიური “რომას” 33 წლის სომეხმა ფეხბურთელმა, ჰენრიხ მხითარიანმა სანაკრებო კარიერის დასრულება გადაწყვიტა.
გამოცდილმა ნახევარმცველმა სოციალურ ქსელში განცხადება გაავრცელა:
„მახსოვს, როდესაც პირველად ჩავიცვი ეროვნული ნაკრების მაისური, ეს იყო ამხანაგურ მატჩში პანამასთან და ჩემი პირველი გოლი ჩემი ერისთვის, მსოფლიო ჩემპიონატის შესარჩევ მატჩში ესტონეთთან. მინდოდა ჩემი კარიერის ყოველი ნაბიჯზე გამარჯვების მიღწევა, რაც არ უნდა რთული ყოფილიყო ეს.
ჩემი ერისთვის გასული 15 წლის განმავლობაში თამაში ჩემთვის პატივი იყო და უფრო მეტიც, პატივი იყო მისი კაპიტნობა ბოლო 6 წლის განმავლობაში.
95 საერთაშორისო მატჩის, შრომისმოყვარეობის, ტკივილის, უპრეცედენტო აღმავლობისა და ვარდნის შემდეგ, რომელიც მოედანზე ჩემს ქვეყანას წარმოადგენდა, მე მივიღე გადაწყვეტილება სანაკრებო კარიერა დავასრულო.
ამ გადაწყვეტილებამდე მივედი ნოემბერში გერმანიასთან ჩემი ბოლო თამაშის შემდეგ. ვფიქრობ, რომ შესაფერისი დროა. მე ყველაფერი გავეცი, რაც შემეძლო ჩემი ეროვნული გუნდისთვის. ამიტომ, მომავალი წლების განმავლობაში მთლიანად ჩემს საკლუბო კარიერაზე ვიქნები ორიენტირებული.
ჩემი საფეხბურთო კარიერა დაიწყო სომხეთში, ჩემს სამშობლოში და სამუდამოდ მადლობელი ვიქნები თითოეული ადამიანის, ვინც მხარში მიდგას, მწვრთნიდა, ვისთან ერთადაც ვითამაშე და ვინც წვლილი შეიტანა ჩემს ზრდაში, როგორც ფეხბურთელად და როგორც პიროვნებაში.
წარმატებები ჩემს ეროვნულ გუნდს!” – განაცხადა ჰენრიხ მხითარიანმა.
ცნობისთვის, 33 წლის ფეხბურთელმა ეროვნულ ნაკრებში ჩატარებულ 95 შეხვედრაში 32 გოლი გაიტანა და 25 საგოლე გადაცემა შეასრულა.
— Henrikh Mkhitaryan (@HenrikhMkh) March 3, 2022
