საქართველოს ნაკრების შემტევი, ხვიჩა კვარაცხელია გაზეთ „სარბიელის“ ვერსიით 2020 წლის საუკეთესო ფეხბურთელი გახდა.
20 წლის ფეხბურთელი საუკეთესოდ 81-მა სპორტულმა ჟურნალისტმა აირჩია. გამოკითხვა რამდენიმე კვირის განმავლობაში მიმდინარეობდა და ხვიჩას მხარი აბსოლუტურმა უმრავლესობამ დაუჭირა.
პრიზის მიღების შემდეგ ხვიჩამ მცირე კომენტარიც გააკეთა:
„ეს ჯილდო ჩემთვის დიდი პასუხისმგებლობაა. მადლობა ყველას, ვინც ხმა მომცა. მე და ბიჭები ყველაფერს გავაკეთებთ, რომ გულშემატკივრები გავახაროთ“, – განაცხადა კვარაცხელიამ.
ასევე გეტყვით, რომ საქართველოს ნაკრების საუკეთესო დებიუტანტი მარცხენა მცველი, გურამ გიორგბელიძე გახდა.
