ცნობილმა კომენტატორმა და ტელე-წამყვანმა, ნოდარ სიმსივემ “საგოლე გადაცემაში” ხვიჩა კვარაცხელიას შესახებ ისაუბრა.
“ნიჭიერია კვარა… მის ყოველ ნაბიჯს გადიდებით უყურებენ და გამადიდებლებით აკვირდებიან. მით უმეტეს, რომ არაერთი წამყვანი გუნდი იყო დაინტერესებული, ვერ წავიდა, რადგან ეს მამაძაღლები ასმაგს ითხოვდნენ მაგაში. ეგ არის საწყენი… ესენი ითხოვენ ისეთ თანხებს, რომ არავის არ უღირდა. ახლა არის კარი ღია და მინდა, რომ წავიდეს. არ იმსახურებს ამ ჩემპიონატში თამაშს. რუსები გამოდიან და წაგებას აბრალებენ, უხასიათოდ არისო. უხასიათოდ იქნება, ქარხანაში ათამაშებენ. რუსეთის ჩემპიონატი ჩვეულებრივი ქარხანაა, რაც არ უნდა შეფუთო, ყოველთვის ქარხანა იქნება. ნიჭიერი კაცია ნამდვილად… სხვა ბიჭებიც ძალიან პერსპექტიულები არიან – გაგნიძეც, დავითაშვილიშიც. მინდა, რომ ქართველები მაგარ ჩემპიონატებში იყვნენ და არა ამ ჭაობ ჩემპიონატში”, – განაცხადა სიმსივემ.
შეგახსენებთ, რომ რუსეთ-უკრაინას შორის მიმდინარე მოვლენების გათვალისწინებით, ფიფამ გადაწყვიტა, რომ ლეგიონერებმა სურვილის შემთხვევაში რუსულ კლუბებთან კონტრაქტი დროებით შეაჩერონ და უცხოურ კლუბებს იჯარის წესით შეუერთდნენ.