ესპანურმა გამოცემა, mundo deportivo-მ რუსეთის და უკრაინის ჩემპიონატის “მარგალიტების” შესახებ სტატია დაწერა.
ესპანურმა მედიამ 10 ფეხბურთელი გამოარჩია, რომლის დამატებაც რუსეთისა და უკრაინის ჩემპიონატიდან ევროპულ კლუბებს შეეძლებათ, რომელთა შორის ხვიჩა კვარაცხელიაც მოხვდა:
“როგორც გარემარბი, ასევე შემტევი ნახევარმცველი, ის საქართველოს დიდი იმედი და ევროპულ ფეხბურთის ერთ-ერთი უდიდესი ტალანტია. ის თავის დროზე ბრწყინავდა ესპანეთის წინააღმდეგ.” – წერს mundo deportivo კვარაცხელიას შესახებ.
კვარასთან ერთად სიაში მალკოლმი (ზენიტი), დევიდ ნერესი (შახტარი), ვილმარ ბარიოსი (ზენიტი), ტეტე (შახტარი), ჯონ კორდობა (კრასნოდარი), კვინსი პრომსი (მოსკოვის სპარტაკი), დოდოსი (შახტარი), ვენდელი (ზენიტი) და იაჯიზი (ცსკა) მოხვდნენ.
შეგახსენებთ, რომ რუსეთ-უკრაინას შორის მიმდინარე მოვლენების გათვალისწინებით, ფიფამ გადაწყვიტა, რომ ლეგიონერებმა სურვილის შემთხვევაში რუსულ კლუბებთან კონტრაქტი დროებით შეაჩერონ და უცხოურ კლუბებს იჯარის წესით შეუერთდნენ. მოთამაშეებს კლუბისთვის ჯარიმის სახით ფულის გადახდა არ მოუწევთ. ფეხბურთელებს რუსულ და უკრაინულ კლუბებში დაბრუნება 2022 წლის 30 ივნისს მოუწევთ.