საქართველოს ნაკრები მთავარი მწვრთნელის გარეშე დიდხანს არ დარჩება. რევაზ ჩომახიძეს, რომელიც თანამდებობიდან საკუთარი ნებით გადადგა და სამუშაოდ ახალგაზრდულ ნაკრებში გადავიდა, სერბი დეიან სტანოიევიჩი ჩაანაცვლებს.
ინფორმაცია, რომ ნაკრებს სწორედ სერბი სპეციალისტი ჩაუდგებოდა სათავეში „პრაიმსპორტმა“ ამას წინათ გამცნოთ, თუმცა მაშინ ვინაობა დადგენილი არ იყო. ახლა კი ყველაფერს ნათელი მოეფინა.
დეიან სტანოევიჩი საკმაოდ გამოცდილი მწვრთნელია. ის წლების მანძილზე სერბეთის ნაკრების თავკაცის ასისტენტი იყო, ხოლო მისი ხელმძღვანელობით 20 წლამდე ნაკრები, 2011 წელს სულაც მსოფლიოს ჩემპიონი გახდა. ბოლო პერიოდში ის რუმინეთის და ყაზახეთის ნაკრებებსაც ავარჯიშებდა.
სეიან სტანოევიჩი ნაკრების გარდა თბილისის „დინამოსაც“ გაწრთვნის, რომელსაც დროებით ზუკა რურუა თავკაცობდა და ბუდაპეშტში, ჩემპიონთა ლიგის ჯგუფურ ეტაპზე გუნდს ერთი ისტორიული გამარჯვებაც მოაპოვებინა.
სერბი მწვრთნელი მუშაობას 11 იანვრიდან შეუდგება. შეგახსენებთ, თებერვალში, ეროვნულ ნაკრებს ჰოლანდიის ქალაქ როტერდამში ოლიმპიადის საკვალიფიკაციო ტურნირი ელის, ხოლო „დინამოს“ მარტში ჩემპიონთა ლიგაზე მნიშვნელოვანი მატჩები.
