საქართველოს წყალბურთელთა ნაკრებმა მსოფლიო ლიგის სუპერფინალი წარმატებით დაიწყო. ქართველი წყალბურთელები ტურნირის პირველ მატჩში იაპონიის ნაკრებს შეხვდნენ და დაძაბულ ბრძოლაში 13:12 გაიმარჯვეს.
ანგარიში საქართველოს ნაკრებმა გახსნა, მალევე უპირატესობა კიდევ ერთი გოლით გაიზარდა, მაგრამ იაპონელებმა პირველი პერიოდის შემოტრიალება მაინც მოახერხეს, ანგარიში გაათანაბრეს და გუნდები შესვენებაზე საყაიმო ანგარიშით (3:3) გავიდნენ.
მატჩის მეორე პერიოდი ქართველების უპირატესობით წარიმართა, რაც ანგარიშზეც აისახა – 4:2 (7:5)
მესამე პერიოდი იაპონელების გამარჯვებით დასრულდა (5:6), თუმცა შესვენებაზე საქართველოს ნაკრები ერთქულიანი უპირატესობით გავიდა – 12:11.
მეოთხე პერიოდმა დაძაბულ ბრძოლაში ჩაიარა. საქართველოს ნაკრებს ერთგოლიანი უპირატესობა ჰქონდა და იაპონელებს თამაშის შემობრუნება შეეძლოთ. თუმცა, დრამატულ მატჩი ჩვენი ნაკრების გამარჯვებით დასრულდა – 13:12.
საქართველოს ნაკრები B ჯგუფში გამოდის და იაპონიის გარდა მონტენეგროსა (27 ივნისს) და აშშ-ის (28 ივნისს) ნაკრებებსაც შეხვდება.
