21 წლის განელი თავდამსხმელი რაფიქ ამინუ თბილისის “საბურთალოდან” კარიერას წყალტუბოს “სამგურალში” გააგრძელებს. იმერულმა კლუბმა ახალგაზრდა ფეხბურთელი უკვე წარადგინა.
კლუბსა და ფეხბურთელს შორის წელიწადნახევრიანი კონტრაქტი გაფორმდა.
რაფიქ ამინუმ იმერულ კლუბში გადმოსვლის შემდეგ მცირე კომენტარი გააკეთა:
,,ახალ კლუბში თავს ისე ვგრძნობ, როგორც საკუთარ სახლში, ყველაფერს გავაკეთებ, რომ ,,სამგურალში” საკუთარი შესაძლებლობები მაქსიმალურად გამოვავლინო. ვეცდები ძირითად შემადგენლობაში დავიმკვიდრო ადგილი და ბევრი გოლი გავიტანო. ,,სამგურალი” საინტერესო და მებრძოლი გუნდია, იმედია, ჩვენთვის მიმდინარე სეზონი წარმატებული იქნება!” – განაცხადა რაფიქ ამინუმ.
ცნობისთვის, 21 წლის განელმა ეროვნული ლიგის მიმდინარე სეზონში “საბურთალოს” მაისურით 7 მატჩი ჩაატარა.
