ეროვნული ლიგის მე-2 ტურის დასკვნით შეხვედრაში წყალტუბოს “სამგურალმა” შინ თბილისის “ლოკომოტივი მიიღო და ანგარიშით, 3:1 დაამარცხა.
შეხვედრის 38-ე წუთზე ბექა დარცმელიას პასის შემდეგ შოთა შეყილაძემ ანგარიში გახსნა.
მეორე ტაიმში იმერულმა კლუბმა მეტოქეზე ზეწოლა გააძლიერა, მატჩის 74-ე წუთზე ირაკლი რუხაძემ პენალტით ანგარიში გაათანაბრა. შეხვედრის 78-ე წუთზე დემურ ჩიხლაძემ მასპინძლები დააწინაურა. მატჩის 86-ე წუთზე კი ირაკლი რუხაძემ სხვაობა ორამდე გაზარდა და საბოლოო ანგარიში დააფიქსირა.
გიორგი მიქაძის გუნდი ორი ტურის შემდეგ ეროვნულ ლიგაში მე-4 ადგილს იკავებს, თბილისის “ლოკომოტივი” კი ბოლნისის “სიონთან” ერთად ბოლო პოზიციას ინაწილებს.
“სამგურალი” მომდევნო შეხვედრას “თელავის” წინააღმდეგ გამართავს, ლაშა ჭაღიაშვილის გუნდი კი “გაგრას” დაუპირისპირდება.
