“პრაიმ სპორტი” ისეთი ქართველი ფეხბურთელების შესახებაც გიამბობთ, რომლებიც საზოგადოებისთვის ნაკლებად არის ცნობილი.
საბერძნეთის საფეხბურთო ჩემპიონატი მსოფლიოში საუკეთესოობით ნამდვილად ვერ დაიკვეხნის, თუმცა სათამაშო დონე ბევრ განვითარებულ ქვეყანასთან შედარებით ნამდვილად მაღალია. სწორედ ამიტომ, „სუპერ ლიგას“ ყურადღება ბევრი ვარსკვლავისთვის მიუქცევია.
საბერძნეთის ჩემპიონატში თამაშობენ ქართველი ფეხბურთელებიც, მაგალითად: ბაჩანა არაბული, ნიკა ნინუა, ბექა მიქელთაძე და სხვები.
ერთ-ერთი უკანასკნელი, ვინც საბერძნეთის საფეხბურთო ჩემპიონატში სათამაშოდ წავიდა, 18 წლის ბექა ბაღდავაძეა.
ბექა ჯერჯერობით “პანიონიოსის” 19 წლამდე გუნდში თამაშობს, მაგრამ სულ მალე ის მთავარ გუნდსაც შეუერთდება, რომელიც საბერძნეთის სუპერ ლიგა 2-ში ასპარეზობს.
ახალგაზრდა ფეხბურთელმა
“ტრახონესთან” ითამაშა და მატჩის მე-60 წუთზე კუთხურიდან ლამაზი გოლი გაიტანა. აღსანიშნავია, რომ ბექამ ამ გოლის აღნიშვნაზე აქცენტი საქართველო – საბერძნეთის მატჩზე გააკეთა, სადაც სამწუხაროდ “ჯვაროსნები” 0:2 დამარცხდნენ. გამოსარჩევია,რომ ბექას ამ ქმედებამ ბერძენი გულშემატკივარი გააბრაზა.
ცნობისთვის,ბექამ ბერძნული “პანიონიოს” 19 წლამდე კლუბის მაისურით ბოლო ოთხ მატჩში ორი გოლი და ორი ასისტი შეასრულა, ასევე ერთი თერთმეტმეტრიანიც გამოიმუშავა.
