საბერძნეთის საფეხბურთო ჩემპიონატის სათამაშო დონე ბევრ განვითარებულ ქვეყანასთან შედარებით ნამდვილად მაღალია. სწორედ ამიტომ, „სუპერ ლიგას“ ყურადღება ბევრი ვარსკვლავისთვის მიუქცევია.
საბერძნეთის ჩემპიონატში თამაშობენ ქართველი ფეხბურთელებიც, მაგალითად: ბაჩანა არაბული, ნიკა ნინუა, ბექა მიქელთაძე და სხვები.
ერთ-ერთი უკანასკნელი, ვინც საბერძნეთის საფეხბურთო ჩემპიონატში სათამაშოდ წავიდა, 18 წლის ბექა ბაღდავაძეა. ახალგაზრდა ფეხბურთელმა საბერძნეთის სუპერ ლიგა 2-ის კლუბ “პანიონიოსის” შემადგენლობაში ორი ოფიციალური ᲛᲐᲢᲩᲘ ჩაატარა და ორივეში საკმაოდ შედეგიანი იყო.
ბექამ “ფალიროსთან” 90 წუთი სრულად ითამაშა და საგოლე გადაცემა მიითვალა, ახალგაზრდა ფეხბურთელმა ასევე “ტრახონეს” გაუტანა და თერთმეტრიანიც გამოიმუშავა. აღსანიშნავია, რომ მისი შეჩერება ორივე თამაშში მეტოქე გუნდის მცველებს საკმაოდ უჭირდათ.
