ორ თვიანი პაუზის შემდეგ, ფეხბურთის გულშემატკივრებმა პოპკორნი, ლუდი და მასთან მისაყოლებელი სასუსნავები მოიმარაგეს და ნირვანაში დაბრუნდნენ. ევროპის ყველაზე პრესტიჟული საკლუბო ტურნირი პლეიოფებით დაბრუნდა.
განსაკუთრებულ ინტერესს „ბარსელონას“ და „პსჟ“ დაპირისპირება იწვევდა, მაგრამ ინტრიგა პირველივე მატჩში მოკვდა. ფრანგულმა გრანდმა მესი და კომპანია მათსავე მოედანზე 4:1 გააცამტვერა და სასწაული უნდა მოხდეს „პსჟ“ შინ ისეთი სხვაობით დამარცხეს ტურნირს გამოეთიშოს. ისე მაინც ნუ ვიჩქარებთ. არც ისე დიდი ხნის წინ იყო „ბარსელონამ“ პარიზელებს ოთხბურთანი ჩამორჩენა რომ გაუბათილა, მაგრამ მაშინ სხვა დრო და ვითარება იყო.
მიუხედავად დიდი ანგარიშით გამარჯვებისა მაინც ფრთხილობს პარიზელთა თავკაცი მოურისიო პოჩეტინო.
„შედეგით ბუნებრივია კმაყოფილი ვარ. ბიჭებმა მოედანზე იფრინეს და დამსახურებულადაც გავიმარჯვეთ, მაგრამ თვითკმაყოფილებას არ უნდა მივეცეთ. ნუ დავივიწყებთ, რომ პლეიოფის დაპირისპირებები 180 წუთს გრძელდება.
დიახ, დღეს ჩვენ ვდომინირებდით, მეტოქესაც ვაჯობეთ და საპასუხო მატჩს კომფორტულ სიტუაციაში ვხვდებით, მაგრამ ყველაფერი მაინც პარიზში გაირკვევა. საპასუხო დაპირისპირებაშიც ისეთვე კონცენტრირებულები უნდა ვიყოთ, როგორც ეს დღეს გავაკეთეთ.
ბიჭებს აუცილებლად ვეტყვი რომ ეს გამარჯვება თავში არ უნდა აგვივარდეს, რადგან სრულყოფილება არ არსებობს. წინ მნიშვნელოვანი მატჩი გველის. მე უკვე იმ დაპირისპირებაზე ვფიქრობ“ – აღნიშნა „პსჟ“-ს არგენტინელმა მწვრთელმა.
