ევროპის სტადიონებზე მსოფლიოს 2022 წლის ჩემპიონატის შესარჩევი ეტაპი ხურდება. 24 მარტს, პირველი ტურის მატჩების გარკვეული ნაწილი გაიმართა და უნდა ითქვას, რომ რამდენიმე მოულოდნელი შედეგიც დაფიქსირდა.
ალბათ ბევრისთვის მოულოდნელი იყო ნიდერლანდელთა მარცხი სტუმრად თურქეთის ნაკრებთან. ნარინჯისფერები მეტოქემ პირწმინდად დაჩაგრა და 4:2 მოუგო.
თავისთავად, გულდაწყვეტილი იყო ნიდერლანდელთა გუნდის დამრიგებელი ფრანკ დე ბური:
„მწარე მარცხი ვიწვნიეთ, თუმცა ცხვირი არ უნდა ჩამოვუშვათ. ეს მხოლოდ შესარჩევი ეტაპის პირველი მატჩი იყო ათიდან. უბრალოდ, მომავალ დაპირისპირებებში ქულები ასე აღარ უნდა გავანიავოთ.
რატომ ვარ მშვიდად? ტირილს ნამდვილად არ ვაპირებ. დღეს ჩვენ ღირსეულ მოწინააღმდეგესთან წავაგეთ. სამართლიანობისთვის უნდა ითქვას, რომ თურქეთის ნაკრების მხარეს იღბალიც იყო. ბურთს კარგად ვაკონტროლებდით, თუმცა გოლები მაინც გავუშვით.
შესვენების შემდეგ ტემპის მომატება გვჭირდებოდა, რადგან ნელა ვთამაშობდით. სამწუხაროდ არ გამოგვივიდა. თურქეთის ნაკრები ძალიან ეფექტურად გამოიყურებოდა“ – აღნიშნა ფრანკ დე ბურმა.
