ძველი ამბავია, რომ ევროპის ჩემპიონატი იოახილ ლიოვისთვის გერმანიის ნაკრების პოსტზე ბოლო ტურნირი იქნება. ამის შესახებ გერმანიის ფეხბურთის ფედერაციამ და თავად ლიოვმაც ოფიციალურად დაადასტურეს.
რა თქმა უნდა, გერმანიის ნაკრები უმწვრთნელოდ დიდხანს არ დარჩება. ამ საპასუხისმგებლო თანამდებობაზე კი ყველაზე ხშირად ჰანს დიტერ-ფლიკის სახელი ისმის.
არაერთი პოპულარული გამოცემა იუწყება, რომ გერმანიის მომავალი მწვრთნელი სწორედ ფლიკი იქნება, რომელმაც ასევე ოფიციალურად უკვე განაცხადა, რომ მიმდინარე სეზონის ბოლოს მიუნხენის „ბაიერნს“ დატოვებს. ფლიკის თავკაცობით რეკორდმაისტერმა საშიანო და ევროსარბიელზე ყველა ტიტული მოიგო და მიმდინარე სეზონშიც, ბუნდესლიგის დასრულებამდე რამდენიმე ტურით ადრე ქვეყნის ჩემპიონობა გაინაღდა.
ჰანს დიტერ-ფლიკს და გერმანული ფეხბურთის ბოსებს შორის მოლაპარაკებები უკვე შედგა. ის ნაკრებს მინიმუმ 3 წლით ჩაიბარებს და ბუნდესგუნდს მინიმუმ ორ მსხვილ ტურნირზე – 2022 წლის მუნდიალზე და ევრო 2024-ზე ათამაშებს.
