ლეროი სანე ბაიერნის თვის საუკეთესო ფეხბურთელად დაასახელეს

ლეროი სანე მიუნხენის “ბაიერნის” თვის საუკეთესო ფეხურთელად დაასახელეს. ინფორმაციას გერმანული გუნდი სოციალურ ქსელში ავრცელებს.

აღსანიშნავია, რომ ლეროი სანემ აღნიშნული პრიზი ზედიზედ მეორედ მოიპოვა.

გამარჯვებული ინტერნეტგამოკითხვის შედეგად გამოვლინდა. 25 წლის სანემ გამოკითხვაში 44% მიიღო და ამ შედეგით პირველი ადგილი დაიკავა, ხუთეულში ასევე რობერტ ლევანდოვსკი, კინგსლი კომანი, მანუელ ნოიერი და ტომას მიულერი მოხვდნენ.

ლეროი სანეს გერმანელი გულშემატკივარი გასულ სეზონში ბევრს აკრიტიკებდა, თუმცა 25 წლის შემტევმა კრიტიკოსებს თავისი შესაძლებლობები დაანახა.

გერმანელმა ფეხბურთელმა ოქტომბრის თვეში 6 მატჩში 2 გოლი გაიტანა და 1 საგოლე გადაცემა შეასრულა.

აღსანიშნავია, რომ ფანებმა თვის საუკეთესო გოლად ლეროი სანეს მიერ “ბენფიკას” წინააღმდეგ გატანილი ჯარიმა დაასახელეს.

🤝 @leroy_sane schoss nicht nur euer Tor des Monats, sondern ist zugleich auch euer Spieler des Monats Oktober! ⚽

Beide Auszeichnungen konnte er damit aus dem vorherigen Monat verteidigen. 😎

🔗: https://t.co/3L6q8MWFfc#FCBayern #FCBayernTVlive pic.twitter.com/3f6PrSepoo

— FC Bayern München (@FCBayern) November 25, 2021